Cartlann na gClár Faisnéise

D’eagraigh an Foireann Dearaidh – i gcomhar le mic léinn ó chlár Máistreachta i bPleanáil agus i bhForbairt in Ollscoil na Gaillimhe agus le baill de Chumann Cónaitheoirí Renmore – cuairt ar an suíomh do Chomhaltaí Tofa Chathair na Gaillimhe agus d’ionadaithe ó Chomhairle Cathrach na Gaillimhe. Le linn na cuairte, tugadh léargas beo ar an gclós súgartha atá beartaithe do Renmore; leag an fhoireann amach lorg an chlóis súgartha nua agus léiríodh suíomh na bpríomhghnéithe, lena n-áirítear na trasrianta coisithe nua ar Ascaill Renmore agus Ascaill Rowan. Ní hamháin gur cuireadh an togra don chláos súgartha i láthair ag an ócáid, ach bhí deis foghlama ar leith ann do na mic léinn pleanála, deis a lig dóibh páirt a ghlacadh i dtionscadal pobail fíor. Gabhaimid buíochas ar leith leis an Dr Therese Conway, Stiúrthóir an Chláir don Mháistreacht i bPleanáil agus i bhForbairt, as comhordú a dhéanamh ar rannpháirtíocht na mac léinn agus as tacaíocht a thabhairt le leagan amach an chlóis súgartha. Ba mhaith linn buíochas a ghabháil freisin le Joe Cosgrove agus leis an bhfoireann ag an Delight Café sa Kingfisher Club i Renmore, as an bhfáilte chroíúil a chuir siad romhainn agus as sólaistí a sholáthar tar éis na cuairte ar an suíomh.