I gcomhar le Comhairle Cathrach na Gaillimhe (CCG), tá tús curtha ag foireann deartha, atá comhdhéanta de LUC, MKO agus Quinn Architects, le hobair ar thionscadal le déanaí, lena gcuirfear athruithe móra i bhfeidhm i gceantar na Rinne Móire.

Tá forbhreathnú ar an tionscadal le fáil sna ‘Cláir Eolais’ ar shuíomh gréasáin Thionscadal Pháirc Chomharsanachta na Rinne Móire, www.RenmorePark.com. Feidhmeoidh an suíomh mar áis lenar féidir an pobal a chur ar an eolas faoi aidhmeanna agus fís an tionscadail.

Iarraimid ar an bpobal na Cláir Eolais seo a léamh agus aiseolas a thabhairt dúinn tríd an Suirbhé Pobail atá ar fáil ar ár suíomh gréasáin. Tabhair ar aird go bhfuil an tionscadal ag céim luath go fóill agus go mbeimid ag tabhairt faoi chomhairliúchán poiblí níos mionsonraithe i lár 2025 de réir mar a rachaidh an tionscadal ar aghaidh.